სულ რაღაც 2 დღის წინ, პრინციპში ყველაფერი თქვა ბატონმა ბიძინა ივანიშვილმა, მთლიანად გახსნა თემა, თუ რა ზეწოლა მიმდინარეობს ჩვენს სახელმწიფოზე, – ამის შესახებ პარტია „ხალხის ძალის“ პოლიტიკურმა მდივანმა მიხეილ ყაველაშვილმა „ქრონიკაში“ განაცხადა.
მან აღნიშნა, რომ საპარლამენტო ოპოზიცია გარე ძალების მიერ კონტროლდება.
„საქართველოს ხელისუფლებამ დაიჭირა პოზიცია, სადაც მთავარ საკითხად დააყენა საკუთარი ეროვნული ინტერესები, არ დათანხმდა ომთან დაკავშირებით რიგ საკითხებზე. მას მერე დაიწყო ზეწოლა. იგივე მოთხოვნებია. ეს ძალები, რომლებსაც საქართველოს პარლამენტის ოპოზიცია ჰქვია, მთლიანად დამოკიდებულები არიან ამ გარე ძალებზე. ეს არის პროექტი, რომელშიც ჩართულები არიან გახარია, ხაზარაძე და მთლიანად რადიკალური ფრთა. უკვე ეჭვი მეპარება „გირჩის“ განცხადებებზეც. ასევე, არ დაგავიწყდეთ, რომ სალომე ზურაბიშვილი მთლიანად არის გაყიდული. შეუძლებელია ამ ქალბატონის რაიმე სახით დაკავშირება ქართულ სახელმწიფოსთან“, – აცხადებს ყაველაშვილი.