მინდა სოლიდარობა და სრული მხარდაჭერა გამოვუცხადო ბატონ რობერტ სტურუას, ჩვენს საამაყო და ღვაწლმოსილ ადამიანს, რომელსაც გუშინ ძალიან მძიმე შეურაცხყოფა მიაყენეს აქციის მონაწილეებმა, – ამის შესახებ საზოგადოება „ქართულის“ დამფუძნებელმა, გიორგი გაბუნიამ გადაცემაში „იმედი LIVE“ განაცხადა.
„მინდა სოლიდარობა და სრული მხარდაჭერა გამოვუცხადო ბატონ რობერტ სტურუას, ჩვენს საამაყო და ღვაწლმოსილ ადამიანს, რომელსაც გუშინ ძალიან მძიმე შეურაცხყოფა მიაყენეს აქციის მონაწილეებმა. გაუგონარი ფაქტია და ძალიან ვწუხვარ ამ ფაქტის გამო. ადამიანი, რომელსაც უდიდესი დამსახურება აქვს ჩვენი კულტურის წინაშე, არის ჩვენი კულტურის სახე, გაუგონარი შეურაცხყოფის მსხვერპლი გახდა. ჩვენ ვხედავთ სიძულვილის ენას, ისტერიას ამ საკითხთან დაკავშირებით. თუ ვინმეს განსხვავებული აზრი აქვს, იმ ადამიანის მიმართ ორგანიზებული ბულინგი მიდის“, – აღნიშნა გაბუნიამ.