ნატოს გენერალურმა მდივანმა, იენს სტოლტენბერგმა განაცხადა, რომ ნატოს წევრი სახელმწიფოები მონაწილეობას მიიღებენ უკრაინის აღდგენასა და მისი უსაფრთხოებისა და თავდაცვის ინსტიტუტების განვითარებაში.
„ომის შემდეგ უკრაინის აღდგენის საქმეში ნატოს როლის შესახებ. პირველი, რასაც ვიტყვი, არის ის, რომ უპირველეს ყოვლისა, უნდა უზრუნველვყოთ უკრაინის გამარჯვება, რადგან, სანამ უკრაინა არ გაიმარჯვებს, თავისუფალ და დამოუკიდებელ უკრაინაში აღსადგენი არაფერია. ასე რომ, ყველაზე მნიშვნელოვანი ამოცანა ახლა არის უკრაინის დახმარება სამხედრო მხარდაჭერით, როგორც ამას ნატოს მოკავშირეები და ნატო აკეთებენ. ჩვენ უნდა შევინარჩუნოთ ეს. ჩვენ უნდა გავხადოთ მხარდაჭერა უფრო პროგნოზირებადი და უფრო ძლიერი და ვიმედოვნებთ, რომ მივიღებთ გადაწყვეტილებებს ამის შესახებ ივლისში ნატოს სამიტზე“, – აღნიშნა ნატოს გენერალურმა მდივანმა.