“ჩემთვის ფეხბურთელები გმირები არიან მიუხედავს იმისა გადასცემს თუ არა პრეზიდენტი მათ ღირსების ორდენს”

ქართული ოცნების ლიდერები ეტენებიან ფეხბურთს, – ასე პასუხობს „სტრატეგია აღმაშენებლის“ ერთ -ერთი ლიდერი ლიდერი პაატა მანჯგალაძე შეკითხვას, რატომ არ დააჯილდოვა პრეზიდენტმა ღირსების ორდენით ფეხბურთელები ამ დრომდე.

„წარმოდგენა არ მაქვს, არ ვიცნობ ამ ინფორმაციას. ჩემთვის ისინი გმირები არიან, მიუხედავს იმისა, გადასცემს თუ არა პრეზიდენტი მათ ღირსების ორდენს. მე რომ ვწყვეტდე ამ საკითხს, უმაღლეს ჯილდოს გადავცემდი ბიჭებს. ნამდვილად გმირობაა ის, რაც ხდება , რომ საქართველოს ეროვნული ინტერესი წარმოაჩინონ სპორტში“, – აღნიშნა პაატა მანჯგალაძემ.

თითქმის 3 თვე გავიდა მას შემდეგ, რაც პრემიერმა და პარლამენტის თავმჯდომარემ პრეზიდენტს წარდგინებით მიმართეს, საქართველოს ფეხბურთელთა ნაკრების წევრებისა და სამწვრთნელო შტაბის შემადგენლობის ღირსების ორდენით დაჯილდოებასთან დაკავშირებით, თუმცა წერილზე სალომე ზურაბიშვილის ხელმოწერა ამ დრომდე არ არის.