ისრაელის ძალებმა დასავლეთ სანაპიროზე ჩატარებული რეიდის დროს სამი პალესტინელი მოკლეს, რამდენიმე კი დააკავეს. ამის შესახებ Reuters-ი იუწყება და ისრაელის მხარეზე დაყრდნობით აღნიშნავს, რომ ოპერაციის ჩატარება თავდასხმების თავიდან ასაცილებლად გახდა საჭირო.
მედიის ცნობით, ისრაელის სამხედროებმა ალყა შემოარტყეს შენობას, სადაც შეიარაღებული პირები იყვნენ გამაგრებული. სამხედროებმა შენობაში მყოფ პალესტინელებს „უფროსი ტერორისტები“ უწოდეს და აღნიშნეს, რომ რეიდისას მათ იარაღი ამოიღეს.
ოპერაციის პარალელურად, ისრაელს ღაზის სექტორიდან გაშვებული რაკეტების მოგერიებაც მოუხდა. სარაკეტო იერიში თავდაცვის სისტემა „რკინის გუმბათმა“ მოიგერია.
კომენტარები