გიორგი გახარიასა და მამუკა ხაზარაძის გაერთიანების შესახებ ინფორმაციას არ ადასტურებენ პარტია „ლელოში“. როგორც გრიგოლ გეგელია აცხადებს, აღნიშნული ინფორმაცია სიცრუეა.
„არავითარი კონსულტაციები გახარიას პარტიასთან არ არსებობს და ამ დრომდე მსგავსი არაფერი ყოფილა. „ხალხის ძალა“ და სხვა ზოგიერთი „ბიძინისტური“ შეთქმულების თეორიის მატარებელი პოლიტიკური ენერგიები ავრცელებენ სიცრუეს იმასთან დაკავშირებით, რომ თურმე „ლელო“, გახარია და სალომე ზურაბიშვილი რაღაცაზე ერთობლივად საუბრობენ. არაფერი მსგავსი არ ყოფილა“, – განაცხადა გეგელიამ.
პარტიების გაერთიანების შესახებ ინფორმაცია უარყო პარტია „საქართველოსთვის“ წევრმა ანა ბუჩუკურმაც.
კომენტარები