ტაილანდის დედაქალაქ ბანგკოკის ერთ-ერთ ძვირადღირებულ სასტუმროში ექვსი უცხოელი ციანიდით მოწამვლის შედეგად დაიღუპა. ინფორმაციას „დოიჩე ველე“ ავრცელებს.
გარდაცვლილთაგან ოთხი ვიეტნამელი, ორი კი ვიეტნამური წარმოშობის აშშ-ის მოქალაქეა. სამართალდამცველები ვარაუდობენ, რომ სავარაუდო მკვლელიც დაღუპულთა შორისაა.
პოლიციის განმარტებით, მათ ციანიდის კვალი სასტუმროს ნომერში ჩაის ჭიქებზე აღმოაჩინეს. გამოძიების პირველადი შედეგებით ირკვევა, რომ პირთა ჯგუფს ერთმანეთში დავა ჰქონდათ საინვესტიციო ვალთან დაკავშირებით.
კომენტარები