როგორც ჩანს დავალების იქით კიდევ ყურის აწევასაც აქვს ადგილი კეზერაშვილის მხრიდან და ეს მათთვის ნორმალურია. მათ მორალურ სახეს აჩვენებს სინამდვილეში და რა თქმა უნდა ეს პოლიტიკური განაჩენიც იქნება ამავდროულად, რადგან ეს ოპოზიცია დამოკიდებულია არა საკუთარ ამომრჩეველზე, არამედ „მისტერ ოფშორზე“, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, საპარლამენტო უმრავლესობის წევრმა რატი იონათამიშვილმა ოპოზიციონერი ლიდერებისა და დავით კეზერაშვილის შეხვედრის შესახებ ინფორმაციის კომენტიებისას განაცხადა.
„როგორც ჩანს დავალების იქით კიდევ ყურის აწევასაც აქვს ადგილი კეზერაშვილის მხრიდან და ეს მათთვის ნორმალურია. მათ მორალურ სახეს აჩვენებს სინამდვილეში და რა თქმა უნდა ეს პოლიტიკური განაჩენიც იქნება ამავდროულად, იმიტომ, რომ ეს ოპოზიცია დამოკიდებულია არა საკუთარ ამომრჩეველზე, არამედ „მისტერ ოფშორზე “. ოღონდ არა გამარჯვებისა და წარმატების მოსაპოვებლად, არამედ არჩევნების წინ ფულის საშოვნელად. ამ ფულის გულისთვის მზად არიან, რომ კეზერაშვილის დატუქსვაც და კუთხეში დაყენებაც აიტანონ.
„მისტერ ოფშორი“, რომელიც სავიზო სანქციით სარგებლობს აშშ–სგან, არის ის პერსონა, რომელიც არის მასშტაბური და გლობალური დამნაშავე და ამ კრიმინალური თანხებით ის ცდილობს საქართველოში არეულობას, ქაოსს და დესტაბილიზაციას.
ჩვენ ვხედავთ, რომ ერთმანეთთან მუდმივად კლანურ დაპირისპირებაში არიან და ამ დაპირისპირების მიზეზი ყოველთვის არის ფულის გაყოფა. ნაცების მოსაგები არჩევნები საქართველოში არასდროს ჩატარდება. 26 ოქტომბრის არჩევნები იქნება პოლიტიკური განაჩენი ნაციონალური მოძრაობისთვის“, – აღნიშნა რატი იონათამიშვილმა.
„ქრონიკის“ ინფორმაციით, ლარნაკაში დავით კეზერაშვილი ოპოზიციონერ ლიდერებს შეხვდა. შეხვედრას „ნაციონალური მოძრაობის“ თავმჯდომარე თინა ბოკუჩავა, გენერალური მდივანი პეტრე ცისკარიშვილი, საარჩევნო შტაბის ხელმძღვანელი გიორგი ვაშაძე, აღმასრულებელი მდივანი დავით კირკიტაძე და პოლიტ-საბჭოს წევრი დიმიტრი ჩიქოვანი ესწრებოდნენ.