პოლონეთის პრეზიდენტმა ანდჟეი დუდამ პოლონურ რადიოსთან Wirtualna Polska ინტერვიუში რუსეთსა და დასავლეთს შორის ომი არ გამორიცხა.
„თუ ჩვენ უკრაინას წაგების საშუალებას მივცემთ, მაშინ პოტენციური ომი რუსეთსა და დასავლეთს შორის საკმაოდ რეალური გახდება. თუ ჩვენ რუსულ იმპერიალიზმს უკან არ დავახევინეთ და [ვლადიმერ] პუტინს სიხისტე არ დავანახეთ, ეს მადიანი რუსული მონსტრი ჩვენზე შეტევის განხორციელებას მოინდომებს“, – აღნიშნა მან.
დუდას თქმით, ჩრდილოატლანტიკურმა ალიანსმა რუსეთთან ომისთვის მზადება დაუყოვნებლივ უნდა დაიწყოს და ნატო იმდენად უნდა გაძლიერდეს, რომ მასზე თავდასხმის სურვილი არავის გაუჩნდეს.
კომენტარები