სამხრეთ აფრიკაში მიმდინარე რაგბის 20-წლამდელთა მსოფლიოს ჩემპიონატზე საქართველოს ნაკრებმა ასპარეზობა მე-9 ადგილზე დაასრულა.
დასკვნით შეხვედრაში უმცროსი „ბორჯღალოსნები“ იტალიის ნაკრებს დაუპირისპირდნენ და მეტოქე დაამარცხეს.
პირველი ტაიმი საქართველოს გამარჯვებით, ანგარიშით 12:6 დასრულდა. შეხვედრაში „ბორჯღალოსნებმა“ ოთხი ლელო დადეს და მატჩი ანგარიშით 24:13 მოიგეს.
2024 წლის ჩემპიონატზე ქართველმა მორაგბეებმა იტალიის ნაკრები მეორედ დაამარცხეს. ჯგუფური ეტაპის ბოლო მატჩში მათ იტალიელებს 28:17 სძლიეს, ფიჯის ნაკრები 40:36 დაამარცხეს, სამხრეთ აფრიკასთან შეხვედრა ანგარიშით 11:35, ირლანდიასთან კი 16:22 დათმეს.
კომენტარები