ისრაელის ქალაქ თელ ავივზე თავდასხმა, რასაც ერთი ადამიანი ემსხვერპლა, იემენელმა „ჰუსიტებმა“ განახორციელეს.
თავდასხმა უპილოტო საფრენი აპარატით განხორციელდა, რომელიც ქალაქის ტერიტორიაზე ზღვიდან შევიდა. ასაფეთქებელი მოწყობილობით მფრინავი უპილოტო აპარატი აშშ-ის დიპლომატიური მისიის შენობის მახლობლად დაეცა.
თელ ავივზე თავდასხმა დაგმო გაერო-ს გენერალურმა მდივანმა, ანტონიო გუტერეშმა და აღნიშნა, რომ მსგავსი სახიფათო მოქმედება რეგიონში შემდგომი ესკალაციის რისკებს აჩენს.
ისრაელის თავდაცვის ძალების მონაცემების თანახმად, რეგიონში კონფლიქტის დაწყების შემდეგ იემენელმა შიიტმა „ჰუსიტებმა“ ისრაელის მიმართულებით 200-ზე მეტი უპილოტო აპარატი და ფრთოსანი რაკეტა გაუშვეს, რომელთა უმრავლესობა აშშ-ის სამხედრო ძალებმა გაანეიტრალეს.
თელ ავივის ცენტში თავდასხმა გამთენიისას, ისრაელის სამხედროების მიერ სამხრეთ ლიბანში „ჰეზბოლას“ უფროსი მეთაურის მკვლელობის დადასტურებიდან რამდენიმე საათში მოხდა.