პარლამენტის ვიცე-სპიკერის ნინო წილოსანის განცხადებით, არასამთავრობო სექტორი ფაქტობრივად, პოლიტიკურ პარტიებთან გაერთიანდა და უკვე საარჩევნო პროცესებში მონაწილეობენ.
აღნიშნულით იგი ბათუმში, პარტია „ლელოსა“ და რამდენიმე არასამთავრობო ორგანიზაციის გასვლითი შეხვედრის გამართვის ფაქტს გამოეხმაურა.
„უკვე გაცხადებულად, არასამთავრობო სექტორი ფაქტობრივად, პოლიტიკურ პარტიებთან გაერთიანდა. პირობითად, თუ აქამდე „საერთაშორისო გამჭვირვალობისგან“ დამალულად, ვხედავდით ჩვენს, მმართველი გუნდის კრიტიკას და ისინი ამას ამართლებდნენ, რომ თითქოს, სასამართლო სისტემის რეფორმაზე მუშაობდნენ, ახლა ყველაფერი ძალიან კარგად გაცხადდა – მათი მიზანი არის პოლიტიკური. ფაქტობრივად, უკვე საარჩევნო პროცესებში მონაწილეობენ“, – განაცხადა წილოსანმა.
ბათუმში, პარტია „ლელოსა“ და რამდენიმე არასამთავრობო ორგანიზაციის გასვლითი შეხვედრა გაიმართა. „ლელოდან“ შეხვედრას ესწრებოდა გიორგი უშიკიშვილი. უცნობია, ვისი დაფინანსებით გაიმართა შეხვედრა.