“რუსეთის მიმართ სანქციებთან დაკავშირებით გიორგი ვაშაძის შეცვლილი რიტორიკის მიზეზია საზოგადოების მოტყუების მცდელობა”

გიორგი ვაშაძის შეცვლილი რიტორიკის მიზეზია ე.წ. საარჩევნო ტრიუკი და მათი სიმბოლური ნიშანი – ბოროტება, – ამის შესახებ საპარლამენტო უმრავლესობის ლიდერმა, „ქართული ოცნების“ აღმასრულებელმა მდივანმა მამუკა მდინარაძემ, მამუკა მდინარაძემ ჟურნალისტებთან ისაუბრა.

მამუკა მდინარაძეს ჰკითხეს „ერთიანობის“ ერთ-ერთი ლიდერის, გიორგი ვაშაძის მედიაში გაკეთებულ განცხადებაზე, რომლის მიხედვითაც, ის რუსეთისთვის სანქციების დაწესების წინააღმდეგი იყო.

„შეცვლილი რიტორიკის მიზეზია უპრინციპობა, საზოგადოების მოტყუების მცდელობა, ე.წ. საარჩევნო ტრიუკი, უთავმოყვარეობა და მათი სიმბოლური ნიშანი – ბოროტება. ეს არის მათი მთავარი სამარკო ნიშანი, მათ სიბნელესთან ერთად. ეს არის ამომრჩევლის მოტყუების მცდელობა“, – განაცხადა მამუკა მდინარაძემ.