კომპანია SpaceX-ის დამფუძნებელი და აღმასრულებელი დირექტორი, ილონ მასკი აცხადებს, რომ მას მოტყუებით მიაცემინეს უფლება თავისი ერთ-ერთი შვილისთვის, რათა ის ტრანსგენდერი ქალი გამხდარიყო.
ჯორდან პიტერსონთან ინტერვიუში ილონ მასკმა აღნიშნა, რომ ის, რაც მის ოჯახს დაემართა, ბოროტებაა.
„მოტყუებით ხელი მომაწერინეს დოკუმენტებზე ჩემი ერთ-ერთი უფროსი ბიჭისთვის [ქსავიე]. ეს ჯერ კიდევ იქამდე მოხდა, ვიდრე გავიგებდი, რა ხდებოდა. პანდემია იყო, დიდი გაუგებრობა იყო და მითხრეს, რომ ქსავიეს შეეძლო თვითმკვლელობა ჩაედინა, თუკი მე არ…“, – აღნიშნა ილონ მასკმა.
„ე.წ. „სქესის დამადასტურებელი ზრუნვა“ საშინელი ევფემიზმია. ეს არის ბავშვის დასახიჩრება და სტერილიზაცია სქესის დადასტურების საფარქვეშ. ეს ბოროტებაა. უფროსებს იმ ბავშვების მანიპულირება შეუძლიათ, რომლებსაც იდენტობის კრიზისი აქვთ, რათა დააჯერონ ისინი, რომ ისინი სხვა სქესის უნდა იყვნენ“, – განაცხადა მასკმა.