თუ ჰგონიათ, რომ ვინმეს ჩვენს საზოგადოებაში დაავიწყდება მათი მავნებლური რიტორიკა, ბუნება და განცხადებები, ძალიან ცდებიან, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა ოპოზიციის შეცვლილ რიტორიკასთან დაკავშირებით განაცხადა.
მისი თქმით, რადიკალურ ოპოზიციას მოუწევს თვალებში ჩახედოს საზოგადოებას.
„პარლამენტის თავმჯდომარემ ფაქტებით მოახდინა რადიკალური ოპოზიციის ლუსტრირება და თუ ჰგონიათ, რომ ვინმეს ჩვენს საზოგადოებაში დაავიწყდება მათი მავნებლური რიტორიკა, ბუნება და განცხადებები, ძალიან ცდება. როგორც ჩანს ისინი არიან ძალიან შეშინებულები ახლა, ვინაიდან, უნდათ თუ არა მოუწევთ საზოგადოებასთან პირისპირ შეხვედრა და ამ შეხვედრის რადიკალურ ოპოზიციას განსაკუთრებით ეშინია, ვინაიდან საკუთარი უსამშობლობითა და მოღალატეობრივი საქმიანობით დაამახსოვრეს ჩვენს ხალხს თავი. მაგრამ მათ მოუწევთ თვალებში ჩახედონ ჩვენს საზოგადოებას. ამის შემდეგ უკვე 26 ოქტომბრის არჩევნებზე, მათ გამანადგურებელი, გარდაუვალი მარცხი ელით“, – აღნიშნა რატი იონათამიშვილმა.