ნამდვილად არ ვფიქრობდით, როცა გიორგი მარგველაშვილს საპრეზიდენტო არჩევნებზე მხარს დავუჭერდით, 2012 წელს ყველა მიზანს, პრინციპს, ღირებულებას, იდეას ხაზს გადაუსვამდა და დაგვიწყებდა ლაპარაკს სულ სხვა კუთხით, – ამის შესახებ უმრავლესობის დეპუტატმა გედევან ფოფხაძემ პრეზიდენტის მიერ დადებულ ვეტოსთან დაკავშირებით განაცხადა.
როგორც მან აღნიშნა, უმრავლესობა დღეს იცავს იმ პრინციპებს რაზეც 2012 წელს შეთანხმდა.
“ვიცავთ ძლიერი სახელმწიფოს პრინციპს. სახელმწიფოსი, რადაც ადამიანის უფლებები იქნება დაცული. ამ ყველაფერს ეწინააღმდეგება პრეზიდენტის ვეტო. მე ნამდვილად მეგონა, რომ გვექნებოდა ერთიან ინსტიტუციად გაერთიანებული ინსტიტუტები და ჩვენი მივიღეთ პრეზიდენტი, რომელიც ლექციებს გვიკითხავს, ჭკუას გვასწავლის, მაშინ, როდესაც მორალურად მასთან დამნაშავეები არა ვართ. პატიოსნად დავუჭირეთ მხარი და მოვაგებინეთ არჩევნები, “ქართული ოცნების” მიერ მიცემული მანდატი მოაბრუნა ქართველი ხალხის და “ქართული ოცნების” საზიანოდ”, – განაცხადა გედევან ფოფხაძემ.