საქართველოს პრეზიდენტის ადმინისტრაციაში ეროვნული უშიშროების საბჭოს სხდომა დაიწყო. სხდომას საქართველოს პრეზიდენტი გიორგი მარგველაშვილი გაუძღვება. შეხვერდაზე იმყოფება პრემიერ-მინისტრი გიორგი კვირიკაშვილი.
სხდომის დღის წესრიგით გათვალისწინებულია შემდეგი საკითხების განხილვა: 1. შავი ზღვის რეგიონში არსებული უსაფრთხოების გარემო მომხსენებელი: საქართველოს ეროვნული უშიშროების საბჭოს მდივანი დათუნა რაქვიაშვილი თანამომხსენებლები: საგარეო საქმეთა მინისტრის მოადგილე დავით დონდუა, შეირაღებული ძალების გენერალური შტაბის უფროსი, ბრიგადის გენერალი ვლადიმერ ჩაჩიბაია. 2. საქართველო-ნატო: 2.1 საქართველოს მონაწილეობა შავი ზღვის უსაფრთხოების დიალოგში და თანამშრომლობის ფორმატები 2.2. საქართველო-ნატოს პარტნიორობის დღის წესრიგი მომხსენებელი: დავით დონდუა თანამომხსენებლები: საქართველოს თავდაცვის მინისტრი ლევან იზორია, დათუნა რაქვიაშვილი 3. რეფორმები თავდაცვის სამინისტროში მომხსენებელი: ლევან იზორია თანამომხსენებელი: ვლადიმერ ჩაჩიბაია 4. საქართველოს ეროვნული უსაფრთხოების სისტემა ჰიბრიდული საფრთხეების ფონზე და საქართველოს პრეზიდენტის ინიციატივა: “საქართველოს ეროვნული უშიშროება – ერთიანი ეროვნული მიდგომა”
მომხსენებელი: დათუნა რაქვიაშვილი ეროვნული უშიშროების საბჭოს სხდომაში მონაწილეობის მისაღებად მოწვეულნი არიან საბჭოს მუდმივი წევრები და საგარეო საქმეთა მინისტრის მოადგილე დავით დონდუა.
სხდომას ვერ ესწრებიან შს და საგარეო საქმეთა მინისტრები, ასევე სუს-ის ხელმძღვანელი. ისინი საქართველოში არ იმყოფებიან.
ასევე სხდომას ვერ ესწრება პარლამენტის თავმჯდომარე და საგარეო ურთიერთობათა კომიტეტის თავმჯდომარე.