პოლონეთის პრემიერ-მინისტრმა, დონალდ ტუსკმა კურსკის ოლქში უკრაინის ჯარების ოპერაციაზე კომენტარი გააკეთა და აღნიშნა, რომ უკრაინის ქმედებები თავდაცვითი ხასიათისაა.
„უკრაინის ქმედებები თავდაცვითი ხასიათისაა. რასაც რუსული ჯარები და რუსული ავიაცია აკეთებენ უკრაინის ტერიტორიაზე გენოციდისა და არაადამიანური დანაშაულის ნიშნებს შეიცავს. და უკრაინას აქვს სრული უფლება, აწარმოოს ომი ისე, რომ რაც შეიძლება ეფექტურად შეაფერხოს რუსეთი მის აგრესიულ ზრახვებში“, – აღნიშნა პოლონეთის მთავრობის მეთაურმა.
მანამდე უკრაინის შეიარაღებული ძალების მთავარსარდალმა, ოლექსანდრ სირსკიმ განაცხადა, რომ კურსკის ოლქში 74 დასახლებული პუნქტი უკვე უკრაინის კონტროლის ქვეშ არის.
კომენტარები