საფრანგეთის პრეზიდენტმა, ემანუელ მაკრონმა ახალი პრემიერ-მინისტრის დანიშვნასთან დაკავშირებით პოლიტიკურ პარტიებთან კონსულტაციები დაიწყო.
მემარცხენე კოალიცია „ახალ სახალხო ფრონტს“ სურს, რომ პრემიერ-მინისტრი გახდეს ნაკლებად ცნობილი საჯარო მოხელე, ლუსი კასტე. თუმცა, 37 წლის ეკონომისტი პრემიერ-მინისტრობის ნაკლებად სავარაუდო კანდიდატად მიიჩნევა.
საფრანგეთის პრეზიდენტის ადმინისტრაციაში განაცხადეს, რომ მაკრონი ფრანგების მხარეზეა და მხარს უჭერს მათ ნებას. მაკრონის გარემოცვაში აღნიშნავენ, რომ პრემიერ-მინისტრს სჭირდება დიდი და სტაბილური უმრავლესობა, რათა თავიდან აიცილოს უნდობლობის გამოცხადება.
კასტემ აღნიშნა, რომ მემარცხენე ლიდერები შეხვედრაზე მივიდნენ, რათა შეახსენონ მაკრონს, პატივი სცეს არჩევნების შედეგებს და აუცილებლობას, გამოიყვანოს ქვეყანა იმ კრიზისიდან, რომელშიც ის ჩავარდა.
მემარცხენე ალიანსთან მოლაპარაკებების შემდეგ, მაკრონი შეხვდება პარტიებს საკუთარი ალიანსიდან, შემდეგ კი მემარჯვენე „რესპუბლიკელების“ ლიდერებს.