უკრაინის შეიარაღებულმა ძალებმა ამერიკის მიერ მიწოდებული Abrams-ის ტიპის ტანკების 2/3 ბრძოლებში უკვე დაკარგა. ინფორმაციას პორტალი Military Watch Magazine ავრცელებს.
გამოცემის მტკიცებით, უკრაინას საერთო ჯამში 31 ამერიკული ტანკი ჰყავდა, 20 მათგანი ნახევარ წელიწადში უკვე განადგურდა. Abrams-ის ტიპის ტანკები ძირითადად ავდეევკაშია განლაგებული, თუმცა ცოტა ხნის წინ უკრაინელებმა ისინი რუსეთის კურსკის ოლქშიც გამოიყენეს. ერთი ტანკის განადგურება რუსებმა შეძლეს.
ეს არის ამერიკული ტანკის განადგურების პირველი შემთხვევა რუსეთ-უკრაინის ომში, ამტკიცებს MWM. გავრცელებული ცნობით, ტანკი ხელის ტანკსაწინააღმდეგო კომპლექსის „კორვეტ“-ის მეშვეობით განადგურდა.
როგორც Military Watch Magazine იუწყება, თუ Leopard-ის ტიპის გერმანული ტანკების ახალი პარტიების მიწოდება ევროპის სხვადასხვა ქვეყნებს, მაგალითად, ესპანეთს შეუძლია, აშშ, როგორც ჩანს, Abrams-ების ახალ პარტიას უკრაინას აღარ გადასცემს.
MWM აღნიშნავს, რომ უკრაინელი სამხედროები Abrams-ების მუშაობით უკმაყოფილებას არაერთხელ გამოთქვამდნენ. ისინი ამტკიცებდნენ, რომ ტანკებს ტექნიკური პრობლემები და უხარისხო ელექტრონული კომპონენტები ჰქონდათ.