არ გამოუვიდათ, რომ აქ აგენტურა დასვან, როგორც 2003 წელს მოახერხეს. ვერ შეძლებენ, გამორიცხულია, რადგან ქართველ ხალხს უკვე აქვს ინფორმაცია, ვინ, რას წარმოადგენს, – განაცხადა „დღის ქრონიკაში“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა, ირაკლი ზარქუამ თბილისის მე-8 საერთაშორისო კონფერენციაზე საუბრისას.
„მერამდენედ ჩაუვარდათ კოვზი ნაცარში?! რევოლუციების რამდენიმე ტალღის მცდელობა! არ გამოუვიდათ, რომ აქ აგენტურა დასვან, როგორც 2003 წელს მოახერხეს. ვერ შეძლებენ, გამორიცხულია, რადგან ქართველ ხალხს უკვე აქვს ინფორმაცია, ვინ, რას წარმოადგენს.
დააკვირდით, ყოფილი ევროპარლამენტარები თავიანთ ქვეყანაში არ აირჩიეს. დღეს მეცინებოდა, რომ ანა ფოტიგა ჭკუას გვარიგებდა, რაისასთან და კუბილიუსთან ერთად, რომ კანდიდატის სტატუსს ვერ ეღირსებით, სააკაშვილი გამოუშვით – პოლიტპატიმარია, კლავთო. აგერ, გამოვიდა ჯიგარი (სააკაშვილი), ხედავთ რა დღეშია! კვება დაიწყო, მეტი არაფერი. უკვე იმ დონეზეა, რომ გვემუქრება. ამას ვამბობდით მაშინ, რომ ეს იყო ერთი დიდი სიცრუე, სადაც ყველა იყო ჩართული: ლობისტებიც, ფულგადახდილებიც, ფულგადაუხდელებიც.
ანა ფოტიგამ მე როგორ უნდა მასწავლოს დემოკრატია, ან როგორ უნდა მივიღო მისი ჭკუის სწავლება, როდესაც საკუთარ ქვეყანაში, საკუთარმა ხალხმა არ აირჩია და ევროპარლამენტის მიღმა დარჩა.
ესენი არ გვიკიჟინებდნენ, რუსეთს სანქცია დაუწესეთო? თვითონ კი პირველ ადგილზე არიან რუსეთთან ვაჭრობით. ახლა ამათი მორალი და სტანდარტი ჩემთვის მიუღებელია ისევე, როგორც მთელი საქართველოსთვის. ამიტომ, ჩვენ მყარად ერთობით, ერიცა და ბერიც გაერთიანებული ვართ, რომ დიახ, საქართველო არ დაუთმოთ და საქართველო 26 ოქტომბერს გაიმარჯვებს“, – განაცხადა ზარქუამ.