გიორგი კვირიკაშვილი – ჩვენ ვაგრძელებთ ჩვენი ამბიციური გეგმების გაღრმავებას მომავალში

ჩემთვის დიდი პატივია ბრიუსელში ყოფნა, სადაც ისტორიულ მიღწევას აღვნიშნავთ, რაც შესაძლებელი გახდა ჩვენი ერთობლივი თანამშრომლობის შედეგად, – განაცხადა საქართველოს პრემიერ-მინისტრმა გიორგი კვირიკაშვილმა ევროკავშირის საბჭოს პრეზიდენტ დონალდ ტუსკთან გამართულ ერთობლივ პრესკონფერენციაზე.
გიორგი კვირიკაშვილის განცხადებით, ქვეყანამ მნიშვნელოვანი რეფორმები განახორციელა, რამაც მნიშვნელოვან მიზნამდე, ვიზალიბერალიზაციამდე მიიყვანა.
“ჩემთვის დიდი პატივია, ვიყო ბრიუსელში და აღვნიშნო ეს ისტორიული მომენტი. ჩვენ შევძელით დაგვეგვირგვინებინა ვიზალიბერალიზაცია საქართველოსათვის და გაგვემართლებინა ორმხრივი თანამშრომლობა. ეს იყო გამოწვევაც და საერთო ძალისხმევაც. ჩვენ პოზიტიური რეფორმები განვახორციელეთ. ჩვენ განვახორციელეთ ფუნქციური, საკონონმდებლო და ინსტიტუციური რეფორმები, რათა დაგვეკმაყოფილებინა ყველა მოთხოვნა. სავიზო რეჟიმის შეჩერებამ საქართველო მიიყვანა წარმატებულ შედეგებამდე. ეს იქნება წარმატებული ნაბიჯი საქართველოს მოქალაქეებისთვის. ჩვენ დავსახეთ საბოლოო ნაბიჯები და მიზნები – ეს გახლავთ, ეკონომიკური და პოლიტიკური მიზნები, რომელიც ხელმოწერილი იყო ასოცირების საფუძველზე. ჩვენ გვინდა, რომ მომავალი აღმოსავლეთის პარტნიორობის სამიტი უფრო წარმატებული და უფრო თანამშრომლობითი იყოს. ჩვენ ვაგრძელებთ ჩვენი ამბიციური გეგმების გაღრმავებას მომავალში. დიდი მადლობა მინდა გადაგიხადოთ”, – განაცხადა საქართველოს პრემიერ-მინისტრმა დონალდ ტუსკთან შეხვედრის დროს.