“როდესაც ამ საკითხს ვაყენებთ, დასავლელი პარტნიორები უბრალოდ თემას ცვლიან – მათ ეშინიათ იმის თქმაც კი რომ ამ საკითხზე მუშაობენ”

უკრაინის პრეზიდენტმა, ვოლოდიმირ ზელენსკიმ განაცხადა, რომ მას სურს, რომ მოკავშირეებმა დაიწყონ რუსული რაკეტებისა და დრონების ჩამოგდება უკრაინის თავზე.

„თუ მოკავშირეები ერთობლივად აგდებენ რაკეტებს ახლო აღმოსავლეთის თავზე, რატომ არ არის ჯერ კიდევ მიღებული გადაწყვეტილება უკრაინის თავზე დრონებისა და რაკეტების ჩამოგდების შესახებ? “, – აღნიშნა ვოლოდიმირ ზელენსკიმ.

„როდესაც მოლაპარაკებების დროს ამ საკითხს ვაყენებთ, პარტნიორები არც კი ამბობენ, რომ მუშაობენ ამაზე… უბრალოდ თემას ცვლიან. მათ ეშინიათ იმის თქმაც კი, რომ ამაზე მუშაობენ“, – დასძინა მან.