„ქართული ოცნება-დემოკრატიული საქართველოს“ ვაკის დელეგატი ზუკა რურუა კუს ტბის მიმდებარე ტერიტორიაზე მოქალაქეებს შეხვდა.
დელეგატმა მოქალაქეებთან დღევანდელი პოლიტიკური ვითარება განიხილა და სხვადასხვა საკითხთან დაკავშირებით მათი პოზიციები მოისმინა.
ზუკა რურუას განცხადებით, რეგიონის მასშტაბით დღევანდელ დაძაბულ პოლიტიკურ გარემოში, გონივრული და წინდახედული ქმედებები სასიცოცხლოდ მნიშვნელოვანია, მისი თქმით, მშვიდობა განვითარების საწინდარია.
„შევხვდი ადამიანებს, რომელთა უმეტესობა ჯანსაღი ცხოვრების წესით არის გატაცებული, რაც ძალიან მახარებს, რადგან ჯანსაღი ცხოვრების წესის პოპულარიზაცია და ხელშეწყობა ჩვენი ხელისუფლებისა და მუნიციპალიტეტის ერთ-ერთი პრიორიტეტული მიმართულებაა“, – განაცხადა ზუკა რურუამ.
შეხვედრას ესწრებოდნენ, ვაკის მაჟორიტარი დეპუტატი ნოდარ ტურძელაძე და თბილისის საკრებულოს თავმჯდომარე გიორგი ტყემალაძე.