აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ აშშ-ს კავშირი არ აქვს ლიბანში „ჰეზბოლას“ წევრების კუთვნილი მოწყობილობების კოორდინირებულ აფეთქებასთან.
„ჩვენ არავითარ შემთხვევაში არ ვიყავით ჩართულნი გუშინდელ ან დღევანდელ ინციდენტებში“, – აღნიშნა ჯონ კირბიმ.
კირბის თქმით, თეთრი სახლი გააგრძელებს ძალისხმევას ისრაელსა და „ჰეზბოლას“ შორის კონფლიქტის გაფართოების თავიდან ასაცილებლად და მიიჩნევს, რომ დიპლომატია ამისთვის საუკეთესო გზაა.
„ჰეზბოლა“ ისრაელს პეიჯერების კოორდინირებულ აფეთქებაში ადანაშაულებს, რის შედეგადაც სამშაბათს დაჯგუფების ათასზე მეტი წევრი დაშავდა. ბეირუთში, პეიჯერების აფეთქების შედეგად ირანის ელჩი მოჯთაბა ამანი დაშავდა.
„ჰეზბოლას“ ოფიციალურმა წარმომადგენელმა განაცხადა, რომ პეიჯერების აფეთქება იყო უსაფრთხოების ყველაზე სერიოზული დარღვევაა, რომელიც ჯგუფმა განიცადა ისრაელთან ომის თითქმის ერთი წლის განმავლობაში.