უკრაინის უმაღლესმა ანტიკორუფციულმა სასამართლომ, კორუფციაში ბრალდებულ დეპუტატზე, ანდრეი ოდარჩენკოზე საერთაშორისო ძებნა გამოაცხადა. როგორც ადგილობრივი მედია იუწყება, ბრალდებულმა დიდი ალბათობით უკრაინა უკვე დატოვა.
პროკურატურამ და ეროვნულმა ანტიკორუფციულმა ბიურომ ოდაჩენკოს ბრალი 2023 წლის ნოემბერში წაუყენეს. გამოძიების ცნობით, მმართველი პარტია „ხალხის მსახურის“ დეპუტატი ინფრასტრუქტურის აღდგენისა და განვითარების სახელმწიფო სააგენტოს ხელმძღვანელის მოსყიდვას ცდილობდა. დეპუტატს სურდა, რომ შეიარაღებული აგრესიის შედეგების ლიკვიდაციის ფონდიდან იმ უნივერსიტეტის რემონტისთვის გამოყოფილიყო თანხა, სადაც ოდარჩენკო რექტორის თანამდებობას იკავებდა.
კომენტარები