რუსული მედიის ინფორმაციით, ირკუტსკის ოლქში 13 წლის მოზარდი ჩაქუჩითა და დანით თანაკლასელებს დაესხა თავს. ინფორმაციას რუსული მედია ავრცელებს.
წინასწარი ინფორმაციით, რამდენიმე მერვეკლასელი ფიზკულტურის გაკვეთილის წინ გასახდელში იცვამდა, როდესაც იქ შეიჭრა კიდევ ერთი მოსწავლე და ზურგიდან ჩაქუჩით დაესხა თავს ერთ-ერთ თანაკლასელს. კიდევ ორმა მოსწავლემ, რომლებმაც დაზარალებულის დაცვა სცადეს, ხელებზე მიიღეს დაზიანებები.
როგორც სამართალდამცავ ორგანოებში აღნიშნეს, თავდამსხმელი ფიზკულტურის მასწავლებელმა განაიარაღა. დაზარალებულების სიცოცხლეს საფრთხე არ ემუქრება.
რუსული მედია წერს, რომ ანალოგიური თავდასხმა ერთი კვირის წინ ჩელიაბინსკშიც მოხდა. მაშინ დაშავდა სამი ბავშვი და ერთი უფროსი.
კომენტარები