რუსეთში, არხანგელსკის ოლქში, კერძო ვერტმფრენი – Robinson R44 ჩამოვარდა. ამის შესახებ ინფორმაციას რუსული მედია ავრცელებს.
მათივე ცნობით, შემთხვევის შედეგად დაღუპულია ორი ადამიანი, მათ შორის არის პუტინის პარტიის, „ერთიანი რუსეთი“ ერთ-ერთი დეპუტატი.
გავრცელებული ინფორმაციით, ვერტმფრენი, რომელიც სოფელ ბიჩიედან სოფელ კარანდაშევსკაიაში მიემართებოდა, გაუჩინარდა და ეკიპაჟი კავშირზე არ გამოდიოდა, რის შემდეგაც სამძებრო ოპერაცია დაიწყო.
როგორც რუსული სააგენტო TASS-ი იტყობინება, ნაპოვნია ვერტმფრენის ნამსხვრევები. გარდა ამისა, შემთხვევის ადგილზე ორი ადამიანის ცხედარი იპოვეს.
ამასთან, რეისი სავარაუდოდ, არ იყო კოორდინირებული და ამიტომ სისხლის სამართლის საქმე აღიძრა.
კომენტარები