რადიკალურმა ისლამისტურმა დაჯგუფება „ბოკო ჰარამმა“ ნიგერიაში, ერთ-ერთ სოფელზე თავდასხმის შედეგად 22 გოგონა გაიტაცა, – იუწყება სააგენტო „ფრანს პრესი“.
სააგენტოს ინფორმაციით, 30 მარტს, პირველი თავდასხმის შედეგად 18 გოგონა გაიტაცეს.
„ბოკო ჰარამის“ „ბოევიკები“ დილის 6 საათზე სოფელს თავს დაესხნენ და 17 წლამდე ასაკის 18 გოგონა გაიტაცეს. „ბოევიკებს“ დანარჩენი მოსახლეობისთვის ზიანი არ მიუყენებიათ”, – განუცხადა ერთ-ერთმა ადგილობრივმა „ფრანს პრესს“.
”ბოევიკები” პირველი თავდასხმის შემდეგ, სოფელში დაბრუნდნენ და კიდევ ოთხი გოგონა გაიტაცეს.
„ბოკო ჰარამი“ რადიკალური ისლამისტური დაჯგუფებაა. ის, ძირითადად, ნიგერიის ტერიტორიაზე მოქმედებს. 2014 წლის აპრილში, ქალაქ ჩიბოკში „ბოკო ჰარამმა“ 276 სკოლის მოსწავლე გოგონა გაიტაცა.
კომენტარები