პარტია „ხალხის ძალის“ აღმასრულებელი მდივანი გურამ მაჭარაშვილი რადიკალური ოპოზიციის იმ განცხადებებს გამოეხმაურა, რომელიც გუშინდელ აქციაზე „ნაციონალური მოძრაობის“ რეჟიმის მსხვერპლ თედო ბიტბუნოვის ქმედებას მოჰყვა.
„როდესაც ერთ-ერთმა ახალგაზრდამ თავისი პოზიცია გამოხატა, რადგან მან და მისმა ოჯახმა „ნაციონალური მოძრაობის“ დროს გაიარა საშინელი დღეები, რა თქმა უნდა, ეს არის აბსოლუტურად ბუნებრივი რეაქცია, მაგრამ სამწუხაროდ, ასევე ბუნებრივია, რადიკალური ოპოზიციის ეს ბოღმა-ნარევი რეაქციები – გნებავთ სოციალურ ქსელებში, გნებავთ ფიზიკურად. ეს ხალხი თავიდან ბოლომდე არის ბოღმის დღის წესრიგით“, – განაცხადა მაჭარაშვილმა.
ჯენზის წარმომადგენელი, რომელიც რადიკალური ოპოზიციის აქციაზე გამომსვლელებს ლაზერს ანათებდა, ამბობს, რომ მას „ნაციონალური მოძრაობის“ რეჟიმმა ბავშვობა წაართვა. თედო ბიტბუნოვის მისამართით განხორციელებულ ბულინგს მმართველი გუნდი ლიბერალური ფაშიზმის მორიგ გამოვლინებას უწოდებს.