ლიბანის ჯანდაცვის სამინისტროს ინფორმაციით, ისრაელის ავიაიერიშს ბეირუთზე მსხვერპლი მოჰყვა.
BBC-ს ცნობით, საუბარია ისრაელის თავდაცვის ძალების მიერ ორშაბათის ავიადარტყმებზე, რომელთაგანაც ერთ-ერთი ბეირუთის ცენტრალური საავადმყოფოს მახლობლად განხორციელდა. ჯანდაცვის უწყების ცნობით, შედეგად 4 ადამიანი, მათ შორის 1 ბავშვი დაიღუპა. დაშავებულია 24 ადამიანი.
იერიშის დაწყებამდე ისრაელის თავდაცვის ძალების პრესსპიკერმა ლიბანის მოსახლეობა შეტევის შესახებ გააფრთხილა და ევაკუაციისკენ მოუწოდა.
კომენტარები