შვილი მომიკლეს და ის დღეს იქნება, ხვალ თუ ზეგ, როგორ შეიძლება დავივიწყო. ის ადამიანი, რომელიც იძახის სააკაშვილი გამოვუშვათო, რა დედამ შობა?! ვინ გაზარდა ასე?! – კი ბატონო, ნუ იყვირებ, იწივლებ, მაგრამ თანამიგრძნე მაინც, – განაცხადა კონტროლის პალატის ყოფილი თავმჯდომარის, სულხან მოლაშვილის მამამ თამაზ მოლაშვილმა გადაცემაში „არჩევანის პირისპირ“.
მისი თქმით, სააკაშვილის ციხიდან გამოშვებით მომავლის საქართველოს სამართლიანობის გზა ჩაიკეტება.
„ის ხალხი, ვინც ლაპარაკობს, რომ დავივიწყოთ წარსული ან ჭკუანაღრძობია, ან კიდევ იმიტომ ლაპარაკობენ, რომ მას შვილი არ მოუკლეს. შვილი მომიკლეს და ის დღეს იქნება, ხვალ თუ ზეგ, როგორ შეიძლება დავივიწყო. ის ადამიანი, რომელიც იძახის სააკაშვილი გამოვუშვათო, რა დედამ შობა, ვინ გაზარდა ასე?! „სხვისი ჭირი, ღობეს ჩხირიო?“ კი ბატონო, ნუ იყვირებ, იწივლებ, მაგრამ თანამიგრძნე მაინც, შე დალოცვილო. ის საზღვარგარეთაა, პიროვნებები, რომლებიც ბჟუტურობენ, რომ სააკაშვილი გამოუშვითო, სად უნდა გამოვუშვათ? სულ ვფიქრობ, მათიას იორში რომ იყო ჩამოსული და სულხან მოლაშვილი ნახა რა დღეში იყო, გული წაუვიდა და ძლივს გამოიყვანეს იქიდან. ერთი თუ შეიძლება სააკაშვილი გავიყვანოთ იქ, ისე, საჩვენებლად და იმ მდგომარეობაში ჩააყენო, დედამისსაც აყურებინო და იმ ევროპელ გათახსირებულ ხალხს აყურებინო. ამის შემდეგ თუ იტყვიან, გამოუშვით სააკაშვილიო?! სააკაშვილის გამოშვება კიდევ იმიტომ არ შეიძლება, რომ ამით მომავლის საქართველოს სამართლიან გზას ჩაუკეტავენ. მომავალში პრეზიდენტი ვინც იქნება და უკან გაიხედავს, ხომ შეიძლება სააკაშვილზე უარესი გამოდგეს?! იტყვის, სააკაშვილმა თუ ამდენი ჩაიდინა და მაინც აგრიალეს გემრიელად, აპარტამენტში ამყოფეს მე რატომ არ გავაკეთო იგივეო. აუცილებლად უნდა აიკრძალოს „ნაციონალური მოძრაობა“. ნუ ცამოვახრჩობთ, დანას ნუ ჩავარტყავთ, მაგრამ კუთხეში მაინც დავაყენოთ, ყური მაინც ავუწიოთ. სიტყვა, „ნაციონალური მოძრაობა“ აირს კიბო საზოგადოების. “,- აღნიშნა მოლაშვილმა.