მთელი საქართველო მართლაც არის აქ და რაც მთავარია, ჩვენთან არის ყველაზე მნიშვნელოვანი, რაც ალბათ გამარჯვებას სჭირდება – ეს არის სიმართლე, – განაცხადა „დღის ქრონიკაში“ თავისუფლების მოედნიდან ჩართვისას საზოგადოება „ქართულის“ წევრმა ნიკა გაბელიამ.
„რასაც ვუყურებ ახლა მე აქ, ეს არის ის, როს გამოც ჩვენ ამდენი ხანი ვიბრძოდით, ის რომ მთელი საქართველო მართლაც არის აქ და რაც მთავარია, ჩვენთან არის ყველაზე მნიშვნელოვანი, რაც ალბათ გამარჯვებას სჭირდება – ეს არის სიმართლე. ის სიმართლე, რომლისთვისაც ჩვენ ყველაფერს ვაკეთებთ, რომ ქვეყანა იყოს წარმატებული და ჩვენი ერი იყოს ბედნიერი. მშვიდობა, ღირსება და ყველაფერი ერთად ქმნის იმ ძალას, რომელიც ახლა თქვენს წინაშეა. მე ვუყურებ, რუსთაველის გამზირზე ხალხის ნაკადი არ წყდება, უბედნიერესი ვარ, ძალიან მიხარია. ჩვენ არავის ვეჯიბრებით. იყო რამდენიმე დღის წინ ოპოზიციის აქცია, ყველას მივესალმები, ვინც იქ იყო გულწრფელად მისული, რომლებსაც ჰგონიათ ან ფიქრობენ, რომ სამშობლოს ასე სჭირდება. მე მათი მესმის, ჩვენ აქ არავის ვეჯიბრებით ხალხით, არავის ვეჯიბრებით კუნთებით”, – განაცხადა ნიკა გაბელიამ.