ბიზნესმენი გიორგი ნათენაძე მამუკა ხაზარაძესა და ბადრი ჯაფარიძეს თაღლითობაში ადანაშაულებს. შესაბამისი განცხადება მან გადაცემაში „ვახო ხუზმიაშვილის თავისუფალი სივრცე“ გააკეთა, როდესაც „ვარძიის ტერასების“ საქმეზე საუბრობდა.
„ჩვენ დაწყებული გვაქვს სასამართლო პროცესები. მე არ მინდოდა, რომ ეს დამთხვეულიყო არჩევნებს, მაგრამ ჩვენ 6 თვის წინ შევიტანეთ სარჩელი. 2018 წლიდან ყოველ წელს ვცდილობ ჩემს პარტნიორთან მოლაპარაკებას, რომ ჩვენი პირვანდელი შეთანხმება აღდგენილიყო, რაზეც იწყება მოლაპარაკება, დრო იწელება და შემდეგ უარს მეუბნებიან ყოველთვის. ამ შემთხვევაშიც ასე მოხდა. ჩვენ ვითხოვთ იმ პირვანდელი შეთანხმების აღდგენას, რითაც დავიწყეთ ჩვენ ურთიერთობა“ – განაცხადა ნათენაძემ.
კომენტარები