სომხეთის პრემიერ-მინისტრი ნიკოლ ფაშინიანი რუსეთის ქალაქ ყაზანში ორგანიზაცია BRICS-ის სამიტის ფარგლებში აზერბაიჯანის პრეზიდენტ ილჰამ ალიევს შეხვდა. ინფორმაციას სომხეთის მთავრობის პრესსამსახური ავრცელებს.
„მხარეებმა ორმხრივი სამშვიდობო დღის წესრიგით გათვალისწინებული საკითხები განიხილეს, მათ შორის სამშვიდობო ხელშეკრულება, საზღვრების დემარკაცია და დელიმიტაცია“, – ნათქვამია ინფორმაციაში.
ქვეყნების ლიდერებმა საგარეო საქმეთა მინისტრებს მითითებები მისცეს, რათა მათ გააგრძელონ ორმხრივი მოლაპარაკებები სამშვიდობო შეთანხმების მიღწევისა და სახელმწიფოთა შორის ურთიერთობების მოკლე ვადებში დამყარების კუთხით.
კომენტარები