„ქართული ოცნება- დემოკრატიული საქართველოს” ბოლნისის, დმანისის, თეთრიწყაროსა და წალკის დელეგატი დავით შერაზადიშვილი სოციალურ ქსელში აქვეყნებს განცხადებას, რომლითაც მადლობას უხდის ქვემო ქართლის რეგიონის მოსახლეობას საარჩევნო კამპანიის პერიოდში გამართულ შეხვედრებში აქტიურობისთვის.
შერაზადიშვილის განცხადებით, ორთვიან წინასაარჩევნო პერიოდში მოსახლეობასთან კიდევ უფრო აქტიურმა კომუნიკაციამგამოავლინა, რომ მშვიდობას ალტერნატივა არ აქვს და მხოლოდ აღნიშნული გზით მიიღწევა ეკონომიკური კეთილდღეობა.
„ჩემთვის დიდი პატივი და პასუხისმგებლობაა, საქართველოს უმაღლეს საკანონმდებლო ორგანოში წარვადგინო ოთხი მუნიციპალიტეტი ისეთი ძირძველი რეგიონიდან, როგორიც ქვემო ქართლია. რეგიონი, რომელიც გამოირჩევა თავისი მრავალფეროვნებით, რაც განსაკუთრებულს და უნიკალურს გვხდის. ბოლნისელებიკარგად ვიცნობთ ერთმანეთს. ჩვენ ყოველთვის ერთმანეთის გვერდით ვდგავართ და მიხარია, რომ მქონდა საშუალება, გამეცნო ახალი ადამიანები, მათი სახით გამეჩინა მეგობრები. ჩემთვის კიდევ უფრო სასიხარულო იყო კამპანიის წარმართვა ახალგაზრდებთან ერთად. მათი ენერგია და ხალისი გადამდებია. თქვენი მხარდაჭერით, დარწმუნებული ვარ, რომ ერთად შევქმნით ისეთ ქვეყანას, სადაც ყველა ახალგაზრდა შეძლებს საკუთარი თავის რეალიზებას, სადაც გაიზრდებიან განათლებული მომავალი თაობები. აქვე, კიდევ ერთხელ, მინდა მადლობა გადავუხადო გამოცხადებული ნდობისთვის პოლიტიკურ გუნდს „ქართულ ოცნებას“, რომელიც ერთადერთი ღირსეული ძალაა. ორთვიან წინასაარჩევნო პერიოდში მოსახლეობასთან კიდევ უფრო აქტიურმა კომუნიკაციამ გამოავლინა, რომ მშვიდობას ალტერნატივა არ აქვს და მხოლოდ ამ გზით მიიღწევა ეკონომიკური კეთილდღეობა. ამომრჩეველს მსურს მოვუწოდო აქტიურობისა და მხარდაჭერისკენ, ერთსულოვნებისა და ერთიანობისკენ. მიგულეთ თქვენს გვერდით როგორც ერთი რიგითი მოქალაქე, რეგიონისა და ჩვენი ქვეყნის უზომოდ მოსიყვარულე და ქომაგი,“- განაცხადა დავით შერაზადიშვილმა.