„ქართული ოცნების“ აღმასრულებელი მდივანი მამუკა მდინარაძე პარტიის კოორდინატორებს მიმართავს.
მისი თქმით, „ნაცმოძრაობის“ ტელევიზიების წარმომადგენლები კოორდინატორებს ამუნათებენ იმისთვის, რომ მათ აქვთ მხარდამჭერების სიები. მამუკა მდინარაძის განცხადებით, ეს არ წარმოადგენს არანაირ დარღვევას, ამიტომ ის კოორდინატორებს მოუწოდებს ნუ გაურბიან და ემალებიან კამერებს, რადგან არანაირ დანაშაულს არ ჩადიან.
„ნაცმოძრაობის“ ტელევიზიები დასდევენ ჩვენს კოორდინატორებს, რომ მათ აქვთ სია. მეგობრებო, სიის ქონა არ არის არანაირი დანაშაული. პირიქით, მოვუწოდებ, რომ ჩვენი მომხრეების სიები, რომელიც მათ შედგენილი აქვთ ჩვენი, პირადად ჩემი მათ შორის, მითითებების, თხოვნის თუ დავალებების [ჩვენ აქტივზე მაქვს საუბარი] შესაბამისად, უნდა ჰქონდეთ ჩვენს აგიტატორებს, ჩვენს კოორდინატორებს და მათ უნდა უზრუნველყონ ამ სიის შესაბამისადა ამომრჩევლების მიყვანა. ეს არის ლეგიტიმური საქმიანობა.
რატომღაც სულ მალავენ ამ სიებს, რატომღაც სულ გაურბიან „ნაცზონდერებს“. მაგრამ კიდევ ერთხელ ვამბობ ერთ-ერთი დავალების მიმცემი თუ თხოვნის გამხმოვანებელი შიდა სტრუქტურაზე ვამბობ, მეც ვარ როგორც აღმასრულებელი მდივანი. ჩემი უშუალო დავალებით ხდება, რომ ხდება ამომრჩევლის მობილიზება.
მილიონზე გაცილებით დიდი სიაა და ისინი ეხმიანებიან მათ გამოცხადებას, ეხმიანებიან და ზოგ შემთხვევაშიც უზრუნველყოფენ ტრანსპორტირებასაც. ეს არ არის არანაირი დარღვევა“, – განაცხადა მამუკა მდინარაძემ.