ხაზარაძე და გახარია ეგრევე რომ არ გამოვიდნენ და არ თქვეს, ფიქრობენ, როგორც ჩანს, მაგრამ დაამუნათებენ მათ და საბოლოო ჯამში პატრონები რასაც ეტყვიან, ისე მოიქცევიან. ამიტომ მე არ შემიძლია გამოვთქვა პროგნოზი იმასთან დაკავშირებით თუ რა გადაწყვეტილებას მიიღებენ მათი პატრონები, – ასე უპასუხა მამუკა მდინარაძემ კითხვას არჩევნების შედეგების აღიარებასთან დაკავშირებით ოპოზიციის გეგმების შესახებ.
„ქართლი ოცნების“ აღმასრულებელი მდივანი „ერთიანობა – ნაციონალური მოძრაობის“ და „კოალიცია ცვლილებებისთვის“ განცხადებებს გამოეხმაურა, რომლებიც ცესკოს შედეგებს არ აღიარებენ.
„იმხელა ტყუილი აკადრეს საკუთარ ამომრჩეველს, რომ სხვა გზა არ აქვთ, რაღაც პროტესტები აანონსონ. გუშინ რომ გითხარით და მოგატყუეთ რომ ვიღაცას აქვს 30% და ამ ვიღაცამ მინიმუმ 53% მიიღო, რა უნდა გითხრათ, 23%-ს გატყუებდიო? რანაირად უნდა ავხსნა ეს? უნდა ვუთხრა რომ გაგვიყალბეს. ამ მდგომარეობაში არიან, იმიტომ რომ ასობით ათასი ადამიანია იქით მხარეს, ვინც ხმა მისცა საბოლოო ჯამში ამ პარტიებს. ამ ასობით ათას ადამიანს რა უნდა უთხრან? მართლა შავ დღეში არიან. შეგეცოდება ადამიანს აგენტიც კი. ან უნდა უთხრან: „როგორც მინიმუმ 20-25%-ს გატყუებდით, ან უნდა უთხრან: „20-25% გაგვიყალბეს“. ერთ სიგიჟეს ხელს აფარებენ და მეორე სიგიჟეს ეუბნებიან, რომ რაღაც საპროტესტო მუხტში მაინც გადაიტანონ, მაგრამ ამის რესურსიც არ აქვთ. აღარაფრის რესურსი არ აქვთ. ჩვენ რომ ახლა გვქონდეს 77-78 მანდატი, ახლა რა ამბავი იქნებოდა, იცით? ახლა იქნებოდა ათობით მოქალაქე ქუჩაში, ჩამოაქცევდნენ აქაურობას. მაგრამ იმხელა უპირატესობით გავიმარჯვებთ, რომ ვეღარაფერს შვებიან: „მოვიფიქრებთ, მერე გეტყვით“ და აი ამ საკუთარ „დრამაქვინობაში“ არიან გადაზრდილები“, – განაცხადა მდინარაძემ.