პოლონეთის პრეზიდენტმა, ანდჟეი დუდამ განაცხადა, რომ უკრაინა აღარ მიიჩნევს პოლონეთს ერთ-ერთ მთავარ პარტნიორად რუსეთთან ომის დროს, რადგან ვარშავა ვეღარ უწევს სამხედრო დახმარებას კიევს.
„გარკვეული კუთხით, ეს შეიძლება ასე გამოიყურებოდეს“, – ხაზგასმით აღნიშნა პოლონელმა ლიდერმა.
დუდამ აღნიშნა, რომ უკრაინის პრეზიდენტი, ვოლოდიმირ ზელენსკი მისი მთავარი მოკავშირეების ზეწოლის ქვეშ იმყოფება, ამიტომ მის გადაწყვეტილებაზე მნიშვნელოვნად მოქმედებს მათი პოზიცია.
დუდას თქმით, გერმანია ახლა ავრცელებს თავის გავლენას უკრაინაში, რადგან ის პოლონეთზე ძლიერია, როგორც ეკონომიკურად, ასევე ფინანსურად.
„ისე ხდება, რომ რთულ დროს, როგორც ჩანს, უკრაინის ხელისუფლებას მიაჩნია, რომ ასეთ [ძლიერ] პარტნიორთან მეგობრობა სჯობს“, – დასძინა მან.
კომენტარები