პარტია „ხალხის ძალის“ აღმასრულებელი მდივნის, გურამ მაჭარაშვილის განცხადებით, რადიკალურ ოპოზიციას არჩევნების შესაძლო გაყალბებასთან დაკავშირებით რაიმე ფაქტები რომ ჰქონდეს, პროკურატურაში რიგებს დააყენებდნენ.
როგორც მან ჟურნალისტებს განუცხადა, როგორც ჩანს პატრონებთან აქვთ თავიანთი დამოკიდებულება, ფული რომ აიღეს და ვერაფერი შედეგი დადეს.
„სოციალურ ქსელში ერთმანეთს ეჯიბრებიან ჩემი ვიდეო შენ რატომ გამოაქვეყნეო. შესაბამისად, რამე ფაქტები მათ რომ ჰქონდეთ აქამდე გაასაჯაროებდნენ და პროკურატურაში რიგები დადგებოდა, მაგრამ არაფერი ფაქტი არ აქვთ და ახლა არიან უბრალოდ აგონიაში. პატრონებთან აქვთ თავიანთი რაღაც დამოკიდებულება, ფული რომ აიღეს და ვერაფერი შედეგი დადეს, ახლა გარკვეული პასუხისმგებლობები, როგორც ჩანს, არის მათი პატრონების წინაშე. ეს მათი პრობლემაა, ჩვენ გავაგრძელებთ ჩვენს ცხოვრებას“, – აღნიშნა გურამ მაჭარაშვილმა.