ანდრი შევჩენკომ 2024 წელს ერთა ლიგის დასკვნით მატჩებთან დაკავშირებულ მოლოდინებზე ისაუბრა, რომელსაც „ლურჯ-ყვითლები“ საქართველოსა და ალბანეთის წინააღმდეგ გამართავენ.
უკრაინის ფეხბურთის ფედერაციის პრეზიდენტს სჯერა, რომ უკრაინის ეროვნულ გუნდს ნოემბერში ერთა ლიგაზე დაგეგმილ ამ შეხვედრებში საჭირო შედეგის მიღწევა შეუძლია.
„ჩვენ ორ გასვლით მატჩს ვთამაშობთ, მაგრამ კარგად გვესმის, რომ გუნდს აქვს შანსი, წელი ღირსეულად დაასრულოს. ვფიქრობ, ძალიან სერიოზულად უნდა მოვემზადოთ. ამიტომ ძალების სრული მობილიზებით უნდა ვითამაშოთ“, – განაცხადა ფეხბურთის ფედერაციის პრეზიდენტმა უკრაინის პროფლიგის ტელევიზიის იუთუბარხზე.
უკრაინის ნაკრები ოთხი ქულით B1 ჯგუფში მეოთხე ადგილზეა. პირველზე ჩეხეთია (7 ქულა), მეორე-მესამეს კი 6-6 ქულით საქართველოს და ალბანეთი ინაწილებენ. რებროვის გუნდი მომდევნო მატჩს საქართველოს ეროვნულ გუნდთან 16 ნოემბერს ბათუმში გამართავს. თამაში თბილისის დროით 21:00 საათზე დაიწყება.