საფეხბურთო კლუბ „თელავის“ დამფუძნებელი და დირექტორი სოსო გრიშიკაშვილი საპატიო თელაველის წოდებით დააჯილდოვეს

საფეხბურთო კლუბ „თელავის“ დამფუძნებელი და დირექტორი სოსო გრიშიკაშვილი საპატიო თელაველია – ინფორმაციას კლუბის ოფიციალური გვერდი ავრცელებს.

„საფეხბურთო კლუბ „თელავის“ დამფუძნებელი და დირექტორი, სოსო გრიშიკაშვილი საპატიო თელაველია. დაჯილდოების ცერემონია თელავქალაქობას, ერეკლე მეფის სასახლეში გაიმართა – სოსო გრიშიკაშვილი თელავის მუნიციპალიტეტის მერმა, ლევან ანდრიაშვილმა საპატიო თელაველის წოდებით დააჯილდოვა.

„იყო საპატიო მოქალაქე იმ ქალაქის, სადაც დაიბადე და გაიზარდე და რომელიც ძალიან მაგრად გიყვარს, ჩემთვის ძალიან დიდი პატივი, პასუხისმგებლობა და მოტივაციაა. მინდა, ყველას უღრმესი მადლობა გადავუხადო, ვინც უშუალოდ მონაწილეობდა ჩემი კანდიდატურის წარდგენაში, მადლობა საინიციატივო ჯგუფს და განსაკუთრებული მადლობა, საფეხბურთო კლუბ „თელავის“ გულშემატკივრებს“, – განაცხადა სოსო გრიშიკაშვილმა.

სოსო გრიშიკაშვილმა თანამოაზრეებთან (ალეკო ამისულაშვილი, ირაკლი ვაშაკიძე) ერთად 2016 წელს ჩამოყალიბდა საფეხბურთო კლუბი „თელავი“, რომელიც 2020 წლიდან ეროვნულ ლიგაში თამაშობს.