ეს [გამჭვირვალობის შესახებ] კანონი ვერანაირად ვერ შეიძლება ეწინააღმდეგებოდეს სუვერენული, ღირსეული ქვეყნის ევროინტეგრაციის გზას, განაცხადა საპარლამენტო ფრაქცია „ქართული ოცნების“ თავმჯდომარის მოადგილე ირაკლი კირცხალიამ.
კირცხალია გამჭვირვალობის კანონთან დაკავშირებით საია-ს სარჩელს გამოეხმაურა, რომელიც ორგანიზაციის განცხადებით, სტრასბურგის სასამართლოშია გაგზავნილი, თუმცა არსებული ინფორმაციით, სტრასბურგის სასამართლოს ამ დრომდე არაფერი მიუღია.
„ეს [საიას] დავაც თუ მიიღო [სტრასბურგის] სასამართლომ განხილვაში, დარწმუნებული ვარ, ზუსტად ისევე დამთავრდება, როგორც ამ აგენტების მხრიდან თითოეული, თავის ქვეყნის წინააღმდეგ წარმოებული საქმე. ეს [გამჭვირვალობის შესახებ] კანონი ვერანაირად ვერ შეიძლება ეწინააღმდეგებოდეს სუვერენული, ღირსეული ქვეყნის ევროინტეგრაციის გზას“, – აღნიშნა კირცხალიამ „ქრონიკასთან“ საუბარში.