პოლონეთის თავდაცვის მინისტრი ვლადისლავ კოსინიაკ-კამიში აცხადებს, რომ უკრაინელებს მოკლე მეხსიერება აქვთ, რადგან მათ პოლონეთის მიერ გაწეული დახმარება დაავიწყდათ.
მისი თქმით, პოლონეთი უკრაინის მხარდასაჭერად ყველაფერს აკეთებს, თუმცა ამის მიუხედავად ქვეყანა მაინც ხდება კრიტიკის საგანი ზელენსკის მხრიდან.
„ეს მნიშვნელოვანია პრეზიდენტ ზელენსკის სიტყვების კონტექსტში, რომლებიც ჟღერდა, როგორც ნოტა, რომ პოლონეთი არ აკეთებს ყველაფერს, რაც შეუძლია. სინამდვილეში, პოლონეთი აკეთებს და განაგრძობს ყველაფრის კეთებას, რაც შესაძლებელია“, – აღნიშნა ვლადისლავ კოსინიაკ-კამიშიმ.
ამასთან, როგორც თავდაცვის მინისტრმა აღნიშნა, არსებობს გარკვეული ხაზი, რომელსაც ის არასდროს გადაკვეთს.
„თუ რომელიღაც მოწყობილობის გადაცემა პოლონეთის სახელმწიფოს უსაფრთხოებას საფრთხეს შეუქმნის, მე მას უბრალოდ არ გადავცემ“, – თქვა მან.
შეგახსენებთ, ზელენსკიმ ნოემბრის დასაწყისში განაცხადა, რომ პოლონური მხარე კიევს Mig-29 ტიპის გამანადგურებლებს არ აწვდის, მიუხედავად იმისა, რომ ამაზე წინასწარი შეთანხმება ნატოსთან მიღწეული იყო.