ამ წუთებში რუსთაველის გამზირზე „კოლექტიური ნაცმოძრაობა“, რომელშიც შედის 4 პარტია, აქციას მართავს. მიუხედავად იმისა, რომ არჩევნები შედგა, მიუხედავად იმისა, რომ არჩევნებში გამარჯვებული მმართველი პარტია და ეს დადასტურებულია, ისინი მაინც ამბობენ, რომ მათი არჩევანი მოპარულია, – განაცხადა ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა, ირაკლი ჩიხლაძემ.
„თქვენ ხედავთ, რა ხდება ამ წუთებში რუსთაველის გამზირზე. ოპოზიციას ღირსება და გამბედაობა რომ ჰქონდეს, საარჩევნო დღის ბოლოს თუ არა, ცესკოს საბოლოო ოქმის გამოქვეყნებისთანავე მაინც მიულოცავდა გამარჯვებულს, როგორც დემოკრატიულ და მათთვის სამაგალითო ქვეყნებში ხდება, თუმცა მათ სხვა დავალება აქვთ პატრონებისგან და ამ გეგმას მიჰყვებიან“, – აღნიშნა ირაკლი ჩიხლაძემ.
კომენტარები