რას აპირებენ ბარიერგადალახული ოპოზიციური პარტიები იმ დაფინანსებასთან დაკავშირებით, რომელიც არჩევნების შედეგების გათვალისწინებით ბიუჯეტიდან უნდა მიიღონ.
კერძოდ, არჩევნების შედეგების შესაბამისად, ნიკა გვარამიას კოალიცია ყოველწლიურად 1 მილიონ 600 ათას ლარზე მეტს, „ნაციონალური მოძრაობა“ 1 მილიონ 500 ათას ლარზე მეტს, „ლელო“ 1 მილიონ 400 ათას ლარზე მეტს, ხოლო გახარიას პარტია 1 მილიონ 300 ათასზე მეტს მიიღებს.
კითხვაზე, მანდატების პარალელურად იტყვიან თუ არა ეს პარტიები უარს დაფინანსებაზე, „ძლიერი საქართველოს“ წევრი ლევან ცუცქირიძე, აცხადებს, რომ საუბარი მხოლოდ მისი საკუთარი მოძრაობის – „თავისუფლების მოედნის“ სახელით შეუძლია.
„გავაკეთებ იმას, რაც საჭიროა სამართლებრივად ამის დასაკმაყოფილებლად. მთავარი არის ჩემი პირადი პოლიტიკური გადაწყვეტილება. „თავისუფლების მოედანს“ რაც შეეხება, ჩვენ ამაზე ნათლად გვაქვს გაცხადებული
ყველაფერი”.
„ნაციონალური მოძრაობის“ წევრი ირაკლი ფავლენიშვილი კი აცხადებს, რომ „ახლა არის დრო, როცა ან მიდიხარ სრულ ბოიკოტზე, ან – არა”.
„ჩვენ ამ პარლამენტში არ ვაპირებთ არანაირი ფორმით ყოფნას, რაც თავისთავად გამორიცხავს საბიუჯეტო დაფინანსებას”, – განაცხადა ფავლენიშვილმა.