ბრალდებულ გია დგებუაძის, მეტსახელად ”მასტერას” დასაბუთების შემდეგ მოსამართლე ლილი მსხილაძემ, ე.წ. ნავთლუღის სპეცოპერაციის საქმე აიცილა.
აცილების შუამდგომლობა დაცვის მხარემ ორჯერ დააყენა. მოსამართლემ ადვოკატების არგუმენტები, მისი აცილების შესახებ არ გაიზიარა, თუმცა გია დგებუაძის არგუმენტი მისთვის უფრო მისაღები აღმოჩნდა. დგებუაძემ მოსამართლეს მისი სამსახურიდან გათავისუფლების პერიოდი გაახსენა.
პროცესზე გია დგებუაძემ 2005 წელი გაიხსენა, როდესაც ის კუდ-ის ანტიკორუფციულ სამმართველოში მუშაობდა და საჯარო მოხელეების, მათ შორის მოსამართლეების კორუფციასთან შემხებლობის საკითხებს იკვლევდა. ადვოკატის თქმით, მაშინ ერთ-ერთ საქმე მოსამართლე ლილი მსხილაძესაც ეხებოდა.
ამის შემდეგ მოსამართლე ლილი მსხილაძემ განაცხადა, რომ 2005 წლის შემდეგ პერიოდი იყო რეპრესიის წლები მისთვის და მისი ოჯახის მიმართ. აქედან გამომდინარე, მოსამართლემ აღნიშნული საქმე აიცილა წარმოებიდან.