უნდა მოხდეს თუ არა ქორწინების განსაზღვრება კონსტიტუციაში? – “რეზონანსის” შეკითხვას პუბლიცისტი თაკო ჩარკვიანი პასუხობს:
“ამ საკითხში კომპეტენციით არ გამოვირჩევი. იმ თაობას ვეკუთვნი, რომელმაც კაცი და ქალი იცის. მამაჩემის თაობის დროს არ მახსენდება, მსგავსი რაღაცები ხასგასმით დაწერილიყოს, ან პირიქით. ჩვენს მამებს და დედებს საერთოდ არაფერი რომ არ ეწერათ, მაშინ ხომ კაცების და ქალების ოჯახი იყო. ვერ ვიტან, როდესაც ხაზს ძალიან უსვამენ, ან არ უსვამენ. საქართველო იმ ტიპის ქვეყანაა, სადაც ერთსქესიანთა ქორწინებაზე საუბარი ვერ იქნება. ინსტიტუციურად სხვა ქვეყანაა. ქორწინება ქალის და მამაკაცის არის.
ხანდახან ვფიქრობ, ამ თემას არასამთავრობოები ხელოვნურად ხომ არ წევენ. სულ მგონია, რომ ყურადღების გადასატანად შემოაქვთ. ეს თემა თითიდან გამოწოვილია. არასამთავრობოებისგან და ხელისუფლებისგან ხელოვნურად შემოგდებული თემაა. არც ერთ მხარეს მსგავსი თემები არ სჭირდება. არამხოლოდ საქართველოში, არამედ ბევრ ევროპულ ქვეყანაში ერთსქესიანთა ქორწინებას ვერ შეიტან. არასწორად მიაჩნიათ. თუმცა ძალიან ლოიალური ვარ და მათ მიმართ გამოწვეულ აგრესიას ვერ ვიტან. ჩემთვის ქართული კულტუროლოგიის ისტორიაში 17 მაისი სამარცხვინო ლაქა იყო. სამღვდელოება და მათი მომხრეები სამარცხვინოდ იქცეოდნენ. ეს ყველაფერი ინსპირირებული და ხელოვნური მგონია. ასე ისტერიულად რატომ უნდა ჩაიწეროს?”, – აღნიშნავს პუბლიცისტი თაკო ჩარკვიანი.