იტალიაში მცხოვრები ქართველი ემიგრანტი ნაილი ნემსიწვერიძე, რომელიც ლეიკემიის მძიმე დიაგნოზით რეამინაციულ განყოფილებაშია მოთავსებული, უსახსრობის გამო სამშობლოში დაბრუნებას ვერ ახერხებს.
ავადმყოფის ოჯახი ადგილობრივ ემიგრანტებს დახმარებას სთხოვს.
ტყიბულის რაიონის სოფელ გელათში მცხოვრები ნაილი ნემსიწვერიძე იტალიაში წლები იმყოფება და რამდენიმე დღეა ადგილობრივი საავადმყოფოს რამინაციულ განყოფილებაშია მოთავსებული. მედიკოსები მის გაწერას ითხოვენ ოჯახს კი, ავადმყოფის სამშობლოში გადმოყვანის საშუალება არ აქვს.
ემიგრაციის საერთაშორისო ცენტრის ხელმძღვანელის ლედი ტუკვაძის განცხადებით, ქალაქ ტყიბულის გამგეობას უკვე მიმართა, მაგრამ მცირე ბიუჯეტის გამო, ემიგრანტის საჭიროებების დაკმაყოფილება ვერ მოხერხდა.
“ტყიბულის გამგეობას უკვე მივმართე, რადგან ავადმყოფი ტყიბულელია, თუმცა გვითხრეს, რომ მცირე ბიუჯეტის გამო ვერ დაგვეხმარებიან. ასევე, საგარეო საქმეთა ადმინისტრაციის ცხელ ხაზსაც დავეკონტაქტე, თუმცა უწყებისგან პრობლემით დაინტერესება ვერ ვიგრძენი. ერთადერთი დაგვრჩენია, რომ დახმარება ქართველ ემიგრანტებს ვთხოვოთ”, – განაცხდა ტუყვაიძემ.