“მაესტროზე” გადაცემები დაიხურა

გვანცა კოპლატაძის ინფორმაციით, არხის ხელმძღვანელობამ მისი გადაცემის დახურვის გადაწყვეტილებაც მიიღო, თუმცა გამორიცხული არ არის, რომ “დილა მაესტროზე” ჰონდინგის ფარგლებში, სხვა არხზე გავიდეს ეთერში.
“პირველის” ინფორმაციით, დაიხურა გადაცემები “ქვიშის ზღაპარი” “სელფი მაესტრო” “მაესტროს ექსკლუზივი” “დამზადებულია საქართველოში” და “ვაკაჭი ნიუსი”.
არხზე კვლავ გავა “ბიზნესკონტაქტი”, “ცეცხლის ხაზი” და “ოლგა ბაბლუანის საავტორო გადაცემა”
“გადაცემების დახურვის მიზეზად სახელდება არხის რეორგანიზაცია. “მაესტრო” გადაკეთდება 24 საათიან საინფორმაციო არხად. რაც შეეეხება დახურულ გადაცემებს, მე სხვის მაგივრად ვერ ვისაუბარებ, თუმცა მიმდინარეობს ჰოლდინგთან მოლაპარაკება, რომ გადაცემა “დილა მაესტროზე” დაბრუნდეს ჰოლდინგის ფარგლებში, რომელიმე არხზე. “დილა მაესტროზე” იყო შემოსავლის მომტანი და რეიტინგული, თუმცა ვინაიდან არხზე იწყება რეორგანიზაცია, ეს გადაცემაც აღმოჩნდა ამ საშიშროების წინაშე. თუმცა, გამომდინარე იქიდან, რომ გადაცემა საკმაოდ მოკლე დროში ერთ-ერთი პოლულარული გახდა და ის მოგებაზე გადიოდა, ვფიქრობ არ დაიხურება და ვითანამშრომლებთ ჰოლდინგის ფარგლებში”,- განუცხადა “პირველს” გვანცა კოპლატაძემ.